شنو نجمع
من الاستمارات: اسمك، رقم هاتفك، بريدك الإلكتروني إذا كتبته، وتفاصيل العقار أو الطلب اللي تدخّلها (النوع، المنطقة، المساحة، الميزانية، والملاحظات). من تصفّحك: العقارات اللي تأشّرها «مهتم» تنحفظ بمتصفحك أنت، ولما تفتح صفحة «المحفوظة» يوصلنا رقم كل عقار حتى نجيب تفاصيله ونعرضهنّ إلك. وأي طلب معاينة أو استفسار ترسله على عقار معيّن ينحفظ عدنا مربوط بذاك العقار — يعني عدنا سجل بالعقارات اللي تفاعلت وياها. نخزّن بمتصفحك بعد تفضيلاتك البسيطة مثل اللغة والوضع الفاتح أو الداكن.
ليش نستخدمها
نستخدم معلوماتك حتى نتواصل وياك بخصوص طلبك، نرشّحلك عقارات تناسب مواصفاتك وميزانيتك، ننظّم المعاينات، ونحسّن الخدمة. ما نستخدمها لأي غرض ثاني.
ما نبيعها ولا نشاركها
ما نبيع معلوماتك ولا نأجّرها ولا نمرّرها لطرف ثالث لأغراض تسويقية. اللي يشوفها هو فريق إسناد المسؤول عن متابعة طلبك فقط.
حذف بياناتك
تكدر تطلب حذف بياناتك بأي وقت — راسلنا أو دقّ علينا من معلومات التواصل المنشورة بالأسفل ونحذفهنّ. أما قائمة «مهتم» فهي بمتصفحك أنت: تنشال لما تشيل العقارات من القائمة أو تمسح بيانات المتصفح، وما تحتاج تطلب منّا شي.
للتواصل بخصوص هذي الصفحة
أي سؤال عن الشروط أو الخصوصية أو طلب حذف بيانات — تواصل وينا:
- 6303
- info@isnad-iq.com
- الداودي، المنصور، بغداد